政情：博鰲青年論壇搵星爺助陣
政情：博鰲青年論壇搵星爺助陣
由菁英會同亞洲博鰲論壇舉辦嘅「二○一○博鰲青年論壇（香港）」本周五喺會展登場，「星爺」周星馳仲會以比高集團執行董事身份出任主講嘉賓，到時肯定滿室笑聲。
菁英會一班核心成員尋日齊齊現身記招，主席白富鴻講起邀請星爺嘅秘辛，原來唔係佢哋幾兄弟嘅面子，而係搭通晒天地線，利用一層又一層嘅人際網絡，先至成功游說星爺出席。星爺製作咗多齣賣座冠軍嘅電影，由佢現身說法講吓文化產業嘅前景，梗係不作他人想喇！
另外，主講者仲有好多中港政商界名人，包括金管局總裁陳德霖、外交部副部長張志軍、中投公司監事長金立群等。今次主題係《復甦中亞洲發展的機遇和挑戰》，探討後危機時代嘅亞洲金融、文化產業與經濟發展。
菁英會公布論壇詳情，左起為核心骨幹施榮忻、白富鴻、黃永光同埋洪為民。