政情：龔仁心：行善最緊要博愛
龔仁心尋日出席仁愛堂一個論壇，講佢對慈善嘅睇法。佢以青海地震中犧牲嘅港人義工黃福榮為例，講解做善事所必須嘅係博愛嘅心，而唔係用金錢多少嚟衡量，即使喺巴士上讓座，亦一樣係做咗善事。佢又話無論以乜嘢方式做善事，只要對受益者有好處都係好事，不必追求做善事嘅原因，好似質疑人哋做騷咁，其實只要係好事，理得人哋係唔係做騷，否則阻礙咗人哋做善事，咁就好唔公平啦！
兩岸四地都有慈善事業，龔仁心覺得港澳台做得比較成熟，內地起步就比較遲。佢喺上個月就同宋慶齡基金會一齊做善事，幫助內地發展基礎教育同醫療事業。
龔仁心話唔好質疑人哋做善事嘅原因。