阿寶愛的抱抱答謝100分女友

【本報記者黃穎釧報道】黃金寶多年來獲得「100分女友」謝小姐在背後默默支持，始能不斷創造傳奇！難怪阿寶奪標後赫然發現秘密北上替他打氣的女友時，難掩內心喜悅，步下頒獎台後第一時間送上深情擁抱與鮮花，一切盡在不言中。任職文員的謝小姐接受東方報業集團獨家訪問時坦言「好彩有上嚟睇」，談及等待上訴結果時更笑說：「好似喺醫院等BB出世咁！」

謝小姐表示：「我一早請定假，但驚上去會影響到佢，都係尋晚（前晚）最後一刻先至扑錘。」她不諱言賽事令她「從未如此緊張過」：「我企個位既冇直播又冇現場旁述，最後離遠見到衝線嗰陣有車手犯規，當時諗攞第二都好啦！」

多體諒少埋怨 多欣賞少挑剔

「後來知道香港隊要上訴，我等緊嗰陣超緊張啊，似足喺醫院等BB出世咁……阿寶贏呢面金牌好驚險，能夠見證呢刻我覺得好有意義，一生難忘！」談到黃金寶「愛的擁抱」，謝小姐哈哈大笑：「畀佢嚇咗一跳！我以為佢行過嚟係叫我幫手攞住紮花呢！」黃金寶南征北討長年漂泊，一年留港時間不足兩個月，難得謝小姐善解人意：「阿寶有目標，只要佢開心就好。我可以做到嘅，就係多體諒、少埋怨，多欣賞、少挑剔！」阿寶有這位紅顏知己，夫復何求！

長年霸佔阿寶 教練：對不起

就連沈金康教練也為謝小姐動容：「幾年前阿寶跟她拍拖時我就話，你們要早點結婚，因為阿寶年紀不小了。不過她跟我說：『一切都聽阿寶的！』但之後都沒聽過阿寶向我申請結婚假期……今天我向她（謝小姐）說了一句對不起，你們可以去拍拖了！」至於黃金寶則表示：「我想同女友講聲多謝！但係返去又要備戰環南中賽事，估計只得兩、三日假期。」