政情：行會雙姝衣着顯品味
查太着咗件閃令令嘅中袖褸，襯條深色啲嘅吊腳褲，望落好簡潔舒服。問起套衫喺邊度買、乜嘢牌子？佢話唔係好記得，應該係有次去歐洲旅行時買嘅。跟住見佢戴住一對由金、銀閃鑽砌成嘅圓形耳環，果然襯到絕。
行會另一位品味超凡嘅女士、有紡織界「棉花公主」之稱嘅楊敏德，呢排瞓身支持香港設計，尋日繼續着住愛女潘楚穎設計嘅時裝。記者唔止一次發現佢着囡囡出品嘅衫裙，佢見記者咁欣賞，仲好有心咁送咗本名為《時裝有品》嘅書畀記者添！
本書巨細無遺咁介紹時裝界專門知識，包括原料分類、製作同銷售，啱晒有心入行嘅人睇。記者就對書中十一位時裝新世代嘅專訪最有興趣，唔知幾時潘楚穎可以現身說法同大家分享心得呢？
查史美倫
楊敏德