政情：阿Ron打紅呔睇淡港股？
政情：阿Ron打紅呔睇淡港股？
美國推出第二輪量化寬鬆措施，狂印銀紙下，恒生指數連日狂升，缸湖中人梗係開心，尋日喺香港會見到港交所主席夏佳理（Ron），佢一臉開心，問阿Ron點睇股市連日升勢，佢唔多願講，咁股民係咪時候入市呢？佢就交行貨：「總之入市要量力而為啦！」
醫管局主席胡定旭就用佢打咗條紅色呔嚟打趣，話難怪會升喇，阿Ron笑笑口就糾正話，紅色喺香港代表跌市，唔係咁老利，綠色至係升市，但內地剛好相反，紅升綠跌，不過依家兩地經濟咁緊密，無所謂啦！
夏佳理話依家入市要量力而為。