長者貼生果金唔夠買醫保

【本報訊】政府大力推銷自願醫療保險計劃，成效受質疑。香港理工大學應用社會科學系助理教授鍾劍華擔心，計劃推出後公立醫院醫護人員隨病人轉到私營機構求醫而流失，對人手造成影響。關注組織指出，高齡長者買醫保的費用每月需千多元，「生果金冇晒仲要倒貼」，長者根本無力負擔。

氹市民落疊 不交代細節

關注長者權益大聯盟昨舉行「醫保計劃對長者影響論壇」，鍾劍華直言，本港私營醫療收費透明度較低，政府推出醫保計劃雖可望增加收費透明度，但長遠來說未必可保證醫療機構按標準收費，社會亦難以估計醫療費用長遠的增幅，質疑自願醫保是陷阱。他又指，計劃推出後預計部分病人轉到私營醫療機構，公營機構的醫護人員或轉至私院工作。他指「政府氹市民落疊」，但對日後的補償及仲裁等問題輕輕帶過，市民所知甚少。

社區組織協會組織幹事彭鴻昌亦指，長者購買自願醫保，每月保費五百元，是生果金的一半，八十五歲以上每月保費更需千多元，根本無能力投保。他認為，自願醫保只保障住院及手術費，病人需墊底，長者無力負擔，形容計劃「縮骨」。

不少長者對自願醫保內客及細則並不了解，更直言：「周一嶽叫我哋買啦、買啦，係好㗎，但要求佢嚟解釋又唔嚟，根本對長者唔友善，漠視長者意見。」