SUN世代：有7億都要做
名門望族的後人通常都接棒打點家族生意，但廖創興銀行創辦人廖寶珊的孫兒廖偉麟（Jeffrey），卻無投身銀行界，反而在投資物業市場闖出名堂。他常在報章財經版、地產版，以投資者的「身份」曝光，他投資眼光獨到，頻頻「摸售」甲級商廈獲利，戰績幾近百發百中。雖然貴為名門之後，又是物業投資市場的天之驕子，但他的致勝之道絕非單靠銀彈充裕：「最緊要係量力而為，同做好兩手準備。」
被喻為資深投資者的Jeffrey，其實只有三十三歲，個人坐擁的物業市值已高達六至七億元，手戴的法國名錶亦盛惠三十萬元。身家如此豐厚，大可「翹埋手」，但他從無這想法：「唔鍾意坐喺度唔使做，做嘢先有衝勁。」
家族做銀行生意，他卻無立志要做銀行家，媽媽曾打算栽培他從事土木工程。十五歲往加拿大留學，之後到美國升讀大學，最初他確選修了土木工程，但唸至Year 2就要轉學系：「外國啲數嘅程度較香港淺，我初時以為自己數學好叻，點知去到大學就好深，而且做土木工程要好precise（精確），計劃要百分百準確，我自己就比較『
西』，驚住計錯數成棟樓都冧落嚟。」之後他改修經濟系。
取勝秘訣 量力而為
「少爺仔」放暑假返港，原來都要做暑期工。「始終係姓廖，爸爸都想我睇吓銀行運作，記得當年喺銀行做咗三個月trainee（見習生），月薪得五千蚊，最深刻係有一次要返內地見客，覺得好辛苦。」Jeffrey直認自己性格不適合做銀行：「銀行係好有制度嘅公司，有好多掣肘，但自己係要好free（自由）嘅人。」
大學畢業後，他返港加入由父母創辦的紀惠集團有限公司，都是要由低做起。最初做營業代表，管理車位租務，「用相機影吓車位有無畀人偷偷泊咗」，後來才逐步晉升至助理租務經理、租務經理，才到現時的董事，絕非一步登天。
Jeffrey投資眼光銳利，不論在住宅以至甲級商廈都屢創佳績。○六年，他以一千萬元購入陽明山莊一個單位，轉售即賺三百萬元；○七年樓價高企，他更膽粗粗首次投資甲級寫字樓，以當時高位每呎近一萬三千元購入遠東金融中心一個單位，連擅長投資的媽媽得悉後都大叫風險高，「嗰次諗住試吓自己眼光，無問過媽咪意見，畀佢鬧咗成日」，不過，他持貨至近月成功放售，呎價已飆升近一倍，一度創紀錄新高，證明他的實力。
翻查資料，Jeffrey名下物業其實只是在短短七個月勁升兩倍多，致勝的秘訣原來是要量力而為：「買賣物業可以升一成，亦有機會跌一成，一定有風險，要有兩手準備。要預咗唔係全部物業都可以即時放售，預咗有啲要『上會』。」他認為若物業升至心目中價位，就應割愛賣出，自然可勝券在握。
Jeffey's Profile
姓 名：廖偉麟
年 齡：33歲
現 職：
紀惠集團有限公司董事
Sir Hudson International Ltd.（咖啡品牌）執行董事
社會公職及榮譽：
特區政府頒發－行政長官公共服務獎（2009）
慧賢慈善基金創會及執行會員
廣東省外商公會理事
香港菁英會執委會委員 兼地產研究會副主席
香港青年聯會董事
廣東省海外聯誼會理事
滬港青年交流促進會副秘書長
香港青聯學生交流網絡架構副會長
香港潮州商會委員
百仁基金委員
香港中華總商會會員
香港中華廠商會聯合會青委
灣仔區青少年暑期活動（SYP）統籌委員
興 趣：
滑雪、wakeboard
廖偉麟
Jeffrey與媽媽廖湯慧靄（左）感情要好，兩人○八年同往北京觀賞奧運。 (受訪者提供)
Jeffrey愛滑雪，○八年曾到日本滑雪歡度聖誕。 (受訪者提供)