政情：卿姐廿蚊綠錶襯晒黨色
政情：卿姐廿蚊綠錶襯晒黨色
尋日喺中環撞到白鴿黨副主席劉慧卿，見佢一身綠色嘅打扮，遠遠已經睇見佢行過嚟。原來佢約咗財經事務及庫務局局長陳家強食飯，事關佢係立法會財務委員會主席，咁啱今日財經事務及庫務局有兩個項目交上財委會，可能係傾呢樣嘢喇。
講番卿姐一身打扮，佢笑言綠色代表白鴿黨，所以咪着到成身綠囉！不過除咗綠色，佢同樣都好鍾意黃色同紅色。睇真啲，卿姐連手錶都係綠色，真係同個黨襯到絕。須知綠色錶其實唔易搵，佢透露隻錶其實喺利源西街買嘅，價錢只係廿蚊，抵到爛。佢仲話一次過買咗幾隻唔同色，方便日後襯衫喎！
卿姐唔單止一身綠色嘅打扮，連戴緊嗰隻錶都係綠色。
