政情：蔡李惠莉旺夫又旺女
政情：蔡李惠莉旺夫又旺女
「玩具大王」蔡志明一家人近排喜事連連，尤其係老婆大人蔡李惠莉腳頭特別好添！
前日理大頒授榮譽博士畀蔡志明，蔡太做啦啦隊長，帶領仔女、女婿齊齊撐場。夜晚沙田馬場舉行保良局百周年紀念盃賽，蔡太身為保良局總理梗要現身支持。咁啱囡囡蔡加怡隻愛駒「萬能駒」喺尾場大熱勝出，獎金七十九萬八千元。但囡囡冇嚟到，於是蔡太頂上拉頭馬，可謂全日笑到不停口。
當晚盃賽發生咗個小插曲，事關循例馬會主席要為盃賽頒獎，但係喺盃賽開跑之前，已經流傳馬會主席施文信發生車禍，最終佢真係失咗場。原來施文信傍晚喺大潭道撞車，仲入咗醫院，雖然唔係好嚴重，但趕唔切嚟主持大局，後來由馬會大董周永健代勞。
周永健話馬會咁大間機構，有齊晒機制應變突發事件，如果主席唔得閒，佢哋一班大董咪夾手夾腳搞掂佢囉！
囡囡嘅愛駒大熱勝出，蔡太（左二）興奮到同朋友擊掌叫好。