facebook鬧爆 萬五人撐罷食

【本報訊】 工會發起的「全城罷食大家樂」行動一呼百應，社交網站facebook更有網民自發開設多個群組作呼籲，包括「罷食無良財團大家樂！喚醒香港人追求公義」、「十一月九日全民罷食大家樂」等，昨晚至少有逾一萬五千人表態力撐，有網民留言道：「支持罷食"大奸樂"」及「幫襯無良企業，等如助紂為虐」，更不乏惡搞留言如「大家樂，刻薄員工100分」。

自工會早前揭穿大家樂向員工加薪的同時，要求員工簽署同意，把原本有薪的用膳時間改為無薪，部分人的薪金更因此因加得減，不少網民即於社交網站facebook上設立鬧爆大家樂群組，表態響應下周二罷食的網民亦不計其數。

網民Li Chichung留言指：「不嬲都唔食大家樂集團旗下嘅嘢嫁喎，都唔知點解有人幫襯……。」Chak Kwan Kwan指：「向血汗快餐『大×鑊』說『不』。」Lee We批評：「就算不是太刻薄都應該唔食大家樂，成日陰啲陰啲加價，昨日個餐包嘢飲，第二日又話要加三蚊，仲要間間大家樂同一個餐都有不同。」