Sun世代：半唐番鍾情大牌檔

「我喺澳洲出世，澳洲長大。」單看外表，阿Matt是徹頭徹尾的「鬼佬」，其實他有一半中國血統：「我阿爸係台山人，阿媽係澳洲人。」自十二歲開始，他每年都會隻身返港探親，造就他學懂廣東話；經常往內地做生意，使他學會國語；他更懂高達六成漢字，喜愛中菜，尤其鍾情大牌檔風味，內裏更似中國人。「我個中文名陳果華，係阿爺跟族譜幫我改嘅，比英文名Matthew Robert Chun仲要早。」

年輕時，阿Matt一家遇上經濟困難，「阿爸、阿媽都要好辛苦做嘢」，身為獨子，他都要出一分力：「十二、三歲開始，日頭幫阿媽間珠寶店看舖，夜晚就去中國餐廳幫手。我係鍾意忙碌嘅人，依家都係一樣，廿四小時無時停。」他每天只需睡四、五小時，多出很多時間運用，但他仍抱怨「唔夠用」：「我真係有好多嘢做，你可以講係workaholic（工作狂）。」