政情：李家祥學做馬會大董
政情：李家祥學做馬會大董
體院主席Eric李家祥今年做咗馬會董事，填補陳祖澤退任騰出嘅空缺。接手咗兩個月嘅Eric謙稱都仲係學緊師，有大把嘢要學。照計佢以前都有做開慈善工作，又係馬主，對馬會感情咁深，依家做埋大董，幫手搞慈善應該係easy job啦！
咁多年嚟，Eric做過唔少公職，但佢話以前做慈善，主要係負責吸水攞錢，但係依家就啱啱相反，要負責放水派錢，所以要重新適應。
之不過咁，有一樣嘢喺呢兩個月冇變過，就係佢嘅馬主身份。Eric搞笑咁話無論係以前定依家，佢都一樣會刨馬經，亦一樣會問人攞貼士，除非撞正嗰個賽馬日要當值，咁就冇得畀佢發揮，否則其他日子佢都一樣可以繼續以馬主身份入場考考眼光，所以對佢影響都唔大。不過，依家話晒多咗一重身份，所以同馬會嘅關係自不然就比以前更加密切啦。
李家祥話做咗馬會大董後，一樣會買馬考自己眼光。