政情：工總送杯推廣環保竹業
呢個杯睇落係由竹樹嘅其中一節製成，滑不溜手，絕對唔怕拮親手，杯身設計古色古香，好有書卷氣。工總竹業委員會主席譚天放話，大家對竹樹認知唔多，查實係一個寶藏，皆因竹嘅生長期只需五年，比木材快得多，竹吸收二氧化碳量又比樹林多三倍，你話發展竹業生意係咪環保得多呢？
工總善用竹呢種材料，除咗做杯，仲做埋建材，諗住將位於長沙灣新寫字樓用竹嚟裝修，接待處會採用竹製嘅地板同牆壁，令人耳目一新。無竹令人俗，咁嘅寫字樓，一定令人耳目一新。
譚天放（中）向在場賓客介紹竹杯古色古香嘅設計。