政情：無綫視帝撐禁擴堆填區
政情：無綫視帝撐禁擴堆填區
政府企圖侵佔郊野公園用地擴建將軍澳堆填區，最終畀立法會否決咗。不過原來件事仲有下文，喺政府規劃中，其實仲有十五點六公頃位於將軍澳嘅土地會被用作堆填區，而呢幅地咁啱喺正無綫電視城旁邊，雖然唔使過立法會，但就要城規會批准。
一直就擴建將軍澳堆填區一事同政府打對台嘅富貴黨西貢區區議員「哪吒」方國珊，尋日得到無綫方面批准，可以喺電視城範圍蒐集員工簽名反對呢項計劃。哪吒話無綫員工嘅反應不知幾熱烈，十個有九點九個都支持，就連「視帝」陳豪、王祖藍、李思捷、阮兆祥同郭羨妮等藝人都簽名支持為佢打氣。
哪吒仲話，除咗一班藝員之外，無綫嘅集團總經理李寶安、製作部總監曾勵珍同監製李添勝等等都有簽名。
陳豪簽名反對喺電視城旁邊興建堆填區。 方國珊提供圖片