政情：梁高美懿授女投資秘笈
政情：梁高美懿授女投資秘笈
恒生首個女大班梁高美懿尋日抽空出席浸大「Beta Gamma Sigma 香港浸會大學分會成立典禮暨第一屆會員頒授典禮」，之後仲同學生分享佢對經濟嘅睇法。
講到點樣處理自己啲錢，佢話自己現金、債券、股票、磚頭乜嘢都有啲，但唔會將所有蛋放晒落同一個籃，仲會量力而為，相當穩健。咁四平八穩嘅投資方法，佢話一早已經傳授晒畀兩個女。
梁家兩女初長成，仲已經投入勞動巿場。梁太話自己係一個勤力嘅人，當年未畢業已經搵定銀行做見習生，一除低件畢業袍就即刻有工開，搵到工先跳槽。