政情：房會fb被寸亂拆舊屋邨
政情：房會fb被寸亂拆舊屋邨
為咗補鑊，特首辦都追上潮流開咗facebook拉近同年輕人嘅距離，連房屋委員會都有樣學樣，開咗個「公屋人情風貌」專頁，畀公眾人士分享佢哋對香港公屋嘅美好回憶咁話，並率先post咗三個歷史悠久嘅屋邨─石硤尾邨、蘇屋邨同牛頭角下邨嘅圖片同紀錄短片。點知真係唔衰攞嚟衰，即刻畀網民勁寸，話既然講到咁美好，點解要拆晒啲舊邨？房委會呢鋪真係捉蟲！
有網民喺專頁留言：「我認為這些屋邨風貌獨特，不應清拆。」、「我經常路經牛下，很回憶以往日子，希望牛下可盡快回復光彩。」、「香港人只會懷念已失去的東西，舊有郵政總局、香港會，新有皇后及天星碼頭，以至牛下。到底要拆到何時？」
又有網民抽水話要起番居屋：「要求復建居屋！」、「希望政府能同時增建公屋及居屋，令更多低下及夾心階層市民受惠！」
房委會唔衰攞嚟衰，整個facebook專頁出嚟畀網民寸爆。