政情：郭炳江封口耷頭疾走
政情：郭炳江封口耷頭疾走
捲入郭氏家族酌情信託基金權益爭奪戰嘅前新鴻基地產主席郭炳湘，近日頻頻接受訪問作出反擊，真情剖白同「好朋友」唐錦馨嘅廿載情義外，又講到同二弟郭炳江及三弟郭炳聯嘅兄弟關係，承認同郭炳聯有拗撬。郭炳湘篇訪問報道出街當日（禮拜三）下晝五點鐘，竟然就喺中環皇后大道中撞到佢二弟郭炳江，世事嘅嘢就係咁蹺！
郭炳江喺中環皇后大道中萬年大廈對開落車後，由兩名保鏢一前一後貼身保護，向上環方向行去。佢嘅保鏢警覺性好高，一見到記者就高度戒備起嚟，反而郭炳江就泰山崩於前而不色變，繼續急步快速向前行。記者上前同郭炳江打招呼，問佢咁急去邊，佢只係微笑而不答，繼續耷低頭望住條路急步行，然後一個箭步入咗陸佑行，兩個鐘後仍未見蹤影，可能已經由其他出口離開。
房委會唔衰攞嚟衰，整個facebook專頁出嚟畀網民寸爆。