政情：大輝搬出石頭寸陳家強
政情：大輝搬出石頭寸陳家強
近年嚟立法會議員喺開會時好興玩道具，尋日討論施政報告致謝動議嘅時候當然唔例外。
廠商會代表林大輝繼續執住《稅務條例》39E去狙擊財經事務及庫務局局長陳家強，話呢條涉及機械同工業裝置嘅折舊免稅率嘅條例令業界風聲鶴唳，講講吓仲拎咗舊石頭出嚟，話局長心腸硬過石頭，石頭踢一踢都郁一郁，但局長就推極都唔郁，直頭好似大笨象咁，而且仲不斷逃避問題。連石頭都搬埋出嚟，唔知大輝下次仲有乜嘢好用呢？