左眼視網膜穿窿

一直係大近視嘅毓民話，前日陪老婆驗眼時發現自己左眼視網膜穿咗個窿，要即刻做手術，如果唔包住，見到光會痛到飛起。毓民仲透露，佢右眼嘅黃斑點穿咗，而且兩隻眼都有輕微白內障，月尾要做多次手術，防止視力進一步惡化。

患上眼疾之後，毓民對長者眼部健康嘅關注大大提高，仲希望政府同富豪盡啲責任，資助長者做白內障手術，睇嚟毓民以後都會對呢方面嘅政策保持高度警覺。