教育局局長孫明揚太太鍾小芬係香港女童軍總會副會長，近排總會鬧出總監超齡風波，連孫太都話自己壓力太大，噩夢連連，搞到要睇中醫調理身體。要減壓就要放鬆自己，孫太其中一個方法係約埋一班闊太去行街Shopping同歎茶。日前就見佢一個人Shopping後，登上AM4政府座駕去湊埋孫公放工一齊返屋企食飯。
孫太呢一日着咗件長身恤衫配三個骨深色褲行街，佢先喺ifc商場一樓間simplylife Bread and Wine買咗幾盒麵包，跟住又去咗西班牙時裝品牌Zara睇衫。孫太話simplylife啲麵包款式夠新潮又特別，孫家上下都好鍾意食，所以經常去幫襯喎。講到同朋友輕鬆聚會，佢更加直認：「我哋啲女人最開心就係去Shopping㗎啦！」
不過，成日喺香港，孫太都難免覺得悶，所以有時孫公離境公幹，佢都會做跟得夫人出去行吓，順便
實孫公嘅飲食，皆因孫公血壓高，飲食要節制喎！