【本報訊】「痛嗰陣時家務又做唔到，瞓又瞓唔到，仲慘過生仔，痛到寧願死！」去年確診患上旋轉肌腱撕裂的何女士，受肩痛困擾達十多年，至去年底接受手術將肌腱修補，痛楚盡消，「依家唔單止提得起隻手，仲抱得起個孫！」
六十一歲的何女士自十多年前感右邊肩膊痛楚，曾被診斷患關節炎，即使服食止痛藥及接受物理治療等均無助紓緩痛楚，「○六年時因為太痛所以冇再返工，但後來愈來愈痛，連洗菜都要單手洗，着衫都有困難，夜晚痛到要抱住隻手先瞓得着。」
她去年經磁力共振掃描才發現患上旋轉肌腱撕裂，右肩肌腱出現超過一厘米的中度撕裂，遂接受內窺鏡手術。事後她戴上手掛及接受物理治療，約兩個月右手已可活動自如，手術後至今近一年均無復發迹象。「依家心情好番晒，做到家務之餘，仲可以抱起三十幾磅嘅孫，以前真係想像唔到！」