身高約五呎七吋的Christine曾經是一位牧師,她樣貌標致、脫俗,有種攝人的氣質:「做青年牧師係○六至○八年間嘅事,嗰時一路喺教會做事奉,啱啱原本個牧師走咗,教會見我好熟悉年輕人,就搵咗我做。」兩年當牧師的經驗,加深她對年輕人的了解,助她去年創辦名為JEMS(Junior Excellent Member of Society)的德育學校,成為校長兼導師,教導小朋友正確道德觀念。
教導小孩 好似打磨寶石
「JEMS嘅發音,同寶石嘅英文Gems相似,教導小朋友就好似打磨寶石,去發掘每一個人最美嘅一面,令到佢shine(發亮)。」自細就出國留學,Christine受訪時全程說着夾雜英語的廣東話,她十八歲入讀倫敦大學經濟學院修讀經濟和哲學,但心底裏卻醉心教育,畢業後再到美國賓夕凡尼亞州立大學攻讀教育系碩士,孜孜不倦。
父親馬時亨辭官後,活躍於教會活動,在報紙、電視經常見到這位前局長蹤影,一家四口都是虔誠基督徒,外界以為Christine是跟隨爸爸信教,她笑着澄清:「唔係,我信咗先㗎!」原來她是跟隨媽媽王培琪信教。
她十五歲返過教會,不久就同妹妹往英國留學,臨行前媽媽送她聖經,返學亦要經常返教會、讀聖經,但她當時根本「睇唔明」。直至十八歲入大學,有一次在校舍無意中見到一張寫着「Do you want to find out more about God? (你想對神認識更多嗎?)」的海報,始令她茅塞頓開:「嗰時喺度諗,媽咪咁信,如果係真理,對我都係好嘅,我應該要知;如果唔係真理,但阿媽咁信,我就更加要知。」
信教後人生路向清晰
其後,她報名參加查經班,認清了耶穌的生命和道理,令她「成個人唔同咗」:「好細個就諗,人生目標係咩,死咗會去邊,天堂又係咩,人死咗係咪得番一堆骨灰?如果係,咁辛苦為咩呢?以前諗來諗去始終無答案。好多人可能只係諗人生就係『賺多啲錢,有人認同』,但信教後,價值觀唔同咗,人生目的同條路點走,都清晰咗。」
家人先後信教,她不忘說一句「感謝主」。在傳教工作方面,她形容家裏每一個人的恩賜和崗位都各有不同,她是做教育、妹妹就做金融,而媽媽創辦基督教組織「全城更新」,舉辦全球禱告日,早前馬尼拉事件後又搞追思會,家人就全力支持,各人按自己所長去做。
馬露明 Christine's
姓名:馬露明(Christine)
年齡:29歲
學歷:
倫敦大學經濟學院主修經濟和哲學
美國賓夕凡尼亞州立大學教育系碩士
工作:
JEMS(Junior Excellent Member of Society)校長
興趣:
睇書、彈琴