尋晚電子業商會舉行酒會，大輝應邀出席，仲成為場中嘅焦點之一，事關佢嘅立法會同僚梁君彥、黃定光尋日大唱雙簧，叫佢至少攞九萬蚊出嚟請客，仲話既然今次係喺日本贏馬，大家不如平平地去稻菊食番餐啦！

大輝笑騎騎，有冇拍心口仲未知，轉過頭又畀商務及經濟發展局局長劉吳惠蘭將佢一軍，話佢喜事當前，徇眾要求應該請食飯！平時牙尖嘴利嘅大輝遇到咁多揼心口高手，梗係冇得還拖，惟有笑面迎人，以笑會友喇。