梅醫生（外科私人執業）：贊成方向，但執行時小心細節，服務提供者質素十分重要：「否則令私營肥晒」。醫院或控制接收病人，「淨收賺錢的病人，割盲腸本來一萬五千元手術費，多人排隊就收15萬都敢死」。

李先生：支持計劃，但擔心變成領匯翻版。醫療費用愈來愈昂貴，每年有通脹，注資500億未必足夠。

陳小姐：「先排去私家醫院做泌尿檢查，醫生話做咗檢查先知道咩事。檢查結果話完全無事，原來保險公司講明驗出嚟無事無得索償，要小心注意。」

羅　太：「下個月就六十歲，丈夫接近七十歲。後生時納稅，又無用過政府醫院，依家退休無咁多收入，諗住政府可以照顧我哋啦，又話要供（醫保），仲要係最貴。」

李先生：「強積金睇到最終得益係受託機構，我哋中產交咗咁多稅，享受政府醫療係應有福利，點解政府要推番畀市民？」