負責審議法令的立法會小組委員會昨午緊急開會，討論當局的押後生效日期議案。邱騰華解釋，今次突然「讓步」是因為有議員提出，希望有時間評估除臭措施成效。但不同黨派的議員都反駁，一旦通過押後議案，屆時不論臭味問題能否解決、當區居民是否接受擴建或者繼續反對，法令仍會自動生效，立法會再無法阻止。

難保證除臭成效

自由黨主席劉健儀表示：「若果十四個月後做唔到（除臭），係咪二○一二年前立會仲可以廢除改變？定係十四個月之後，就話係呃我哋，我哋受呃？」專業會議議員何鍾泰更直斥當局建議是「過咗海係神仙」！

邱騰華未有否認擴建日期將自動生效，僅稱立法會仍有「王牌」把關，可在財務委員會否決當局的擴建工程撥款申請。他承認難以保證除臭措施成效，「可能有啲有成效，有啲冇」，又拒絕承諾可於二○二○年關閉整個堆填區。民建聯議員陳克勤反駁：「市民畀我哋監察政府，要去到財委會把關，呢樣嘢係咪足夠？」工聯會議員葉偉明更批評當局企圖卸責：「唔批錢畀你，變咗係我哋責任，唔係你哋責任，點解反過來要立法會承擔呢個責任？」

料功能界別「轉軚」

各黨派議員最終通過繼續由主席陳淑莊，代表整個委員會提出廢法議案，待立法會主席批准後在下周三進行表決。不過，由於表決次序不利立法會，加上部分原先支持廢法的功能界別議員態度軟化，預計廢法議案極可能在分組點票下否決，令議員被迫支持當局的押後生效日期議案。日前堅決支持廢法的專業會議議員劉秀成就表示，現在既然有其他選擇，未必一定要支持「推倒重來」。

陳淑莊建議，一旦廢法議案被否決，會要求臨時提出修訂，要求堆填區法令正式生效前須經過立法會審批，但未知主席會否批准。押後議案通過後，港府仍須尋求城規會批准更改該區土地用途，以及就擴建工程向財委會申請撥款，但屆時政黨及居民的議價能力將大減。

議員精彩發言……

甘乃威：「一個處理垃圾咁簡單嘅問題都要開咁多次會，你（邱騰華）有冇檢討是否稱職？一時又話處理唔到，一時又話處理到，出晒亂子，完全睇唔到適合做問責局長！」

葉偉明：「點解拎呢個（延遲生效動議）畀我投（票）？我哋廢唔到，你廢唔到，係咪都生效。」

劉慧卿：「當局話釋出善意，但堅持摑我哋四巴（掌）……話我哋無權，我哋真係無辦法接受！我哋絕對有權提出廢除。」

陳偉業：「發展至今，當局做法極惡劣同難以接受，充分表現行政霸道專權，對立法會一啲尊重都冇，如將立法會堆入堆填區，立法會成垃圾會！」