香港設計界臥虎藏龍,不少作品近年喺藝術界大放異彩。香港設計中心上周四喺尖沙咀恒基四叔李兆基地頭The Mira Hong Kong,舉行香港設計大使籌款晚宴,五百位愛好藝術嘅城中名人雲集。而剛過去嘅星期二,慈善機構「心話」喺灣仔亦以晚宴籌款,並頒發年輕女企業家獎項,表揚八位才女。
利蘊珍孖好友擺靚甫士
名媛利蘊珍與李桂蘭等好友,喺自己投得嘅名師椅子前影番張靚相。
鄭詩韻拖老公捧場
名媛鄭詩韻同老公陳鴻業盛裝出席晚宴。
李麗娟變開籠雀
梁智鴻太太同李麗娟係閨中密友,碰頭話題便停不了。
邱詠賢姊妹拍住上
邱詠賢係設計愛好者,拉埋細妹邱詠麒齊赴宴。
李家誠夫婦出錢出力
李家誠贊助場地同餐飲,仲拉埋太太徐子淇撐場。
羅可旋心情勁靚
羅可旋心情靚,冇伴陪入場,一樣咁開心。
「心話」籌款晚宴:成就獲表揚
趙式和、余詠君、陳浩寧、馬露明、陳潔、劉雪文及蔡曉慧,各自喺不同領域創出成就,齊獲頒年輕女企業家獎。
陳浩寧講結婚面紅
大家樂主席陳裕光女兒陳浩寧與男友Leonard拍拖多年,講到結婚伊人就怕醜。
何倍倩熱心公益
恒生已故創辦人何善衡孫新抱何倍倩熱心公益,出錢出力支持「心話」。
馬露明交流成功心得
馬時亨女兒馬露明與得獎人劉雪文及鋼琴演奏家陳潔交流成功心得。