禮賓處處長大前日終於覆信畀阿王，答應將去年新增一百零八個政府建築物嘅懸掛國旗時間，由原本懸掛國旗嘅三個特定日子，增加至每個工作天都懸掛國旗。

唔講唔知，呢啲地方包括十五個政府部門嘅總部大樓、二十幢政府合署、七十二個康文署場地同啟用冇耐嘅柴灣青年廣場。今次政府嘅正式答覆，都自爆原來咁多政府重要部門都冇長期懸掛國旗。阿王狠批政府喺回歸十三年後先至糾正錯誤，相當離譜。公民教育委員會主席李宗德尋日出席一個十．一酒會時話，回歸後政府應逐步糾正過去錯誤，喺多啲地方懸掛國旗，增加市民嘅歸屬感。