王桂壎話，根據居港菲律賓執業律師提供嘅資料同律師會嘅研究，當地法例只容許家屬控告馬尼拉地方政府官員，好似市長林雯洛同副市長咁，但中央官員代表國家，一般嚟講唔可以告，除非涉及嚴重疏忽或者欺詐，但佢哋又可以有豁免權。據佢所知，警隊都係屬於中央體制，到時可唔可以控告，都仲要研究。

至於賠償金額方面，王桂壎話當地法例列明民事侵權導致有人死，就要賠一千美元，而法官另外仲可以判一個懲罰性賠償，但佢問過今次事件家屬大約可以索償到幾多錢，就冇菲律賓同行答到佢嘞。