北極村住民宿

早前范太同姑仔再加多個朋友去黑龍江十日，參加健康快車黑龍江光明行嘅自駕遊活動，三個人輪流揸四驅車，平均每日要揸五、六粒鐘，最長嗰日仲要揸八粒鐘，但范太話一啲都唔辛苦，事關今次係一個「洗肺」之旅，視力、身體同心靈都同樣放大假，沿途嘅綠色景致、參天大樹令佢印象難忘。

佢話有一棵六百幾歲嘅紅松，生長喺小興安嶺內紅松林，當局為咗保護呢片樹林，除嚴禁斬樹外，就算係已經倒下嘅樹木都一樣唔可以搬出去，所以成個環境都保持原始景觀。佢哋仲去咗北極村住民宿，試吓過特色嘅農村生活同食農家菜，范太話如果六月去有機會睇到北極光，可惜佢哋八月先去，所以緣慳一面嘞！