本港旅行團喺菲律賓嘅遭遇，連城中名人都睇唔過眼。恒地副主席李家傑批評菲國政府處理挾持事件手法極拙劣，又形容事件「好Shocking（震撼）」；賭王何鴻燊千金何超蕸就話，爸爸全程
實電視，睇見有港人遇難，非常傷感；新地非執董郭炳湘亦不吐不快，批評精銳特種部隊當日竟然冇出動，令人難以接受；「金利來」太子爺曾智明（Ricky）則炮轟菲國總統冇政治智慧。
實電視，睇見有港人遇難，非常傷感；新地非執董郭炳湘亦不吐不快，批評精銳特種部隊當日竟然冇出動，令人難以接受；「金利來」太子爺曾智明（Ricky）則炮轟菲國總統冇政治智慧。
由中聯辦副主任李剛擔任主席嘅「華夏基金會」，尋晚喺四季酒店舉行慈善晚會，筵開二十六圍。Ricky話，事發當日身在廣州公幹，睇電視見到菲國警方慢吞吞救人，覺得真係離晒譜！佢批評菲國政府事後至補鑊，難辭其咎，認為菲國應盡快檢討特警裝備同談判技巧。郭炳湘話喺菲國冇投資，四、五年前去過一次，感覺「冇乜值得好睇」，去一次就夠。
「華夏基金會」係一個協助內地發展教育同醫療衞生嘅慈善機構，基金會前主席係原港澳辦主任魯平，依家換上咗李剛。尋日基金會獲多個富商捐款，好似「牛仔褲大王」楊釗捐出一百萬港元，另加二十萬元畀「華夏學子助學金」；身兼慈善晚會籌委會主席嘅鄭家彤二仔鄭家成捐一百萬元；恒基李家傑捐五十萬元；Ricky捐三十萬元；啱啱當選全國青聯副主席嘅陳仲尼、「深圳王」黃楚標同中華總商會會長蔡冠深都捐出二十萬元，今年共籌到八百萬港元。