【本報訊】殺人兇手門多薩舉殯，家人在其靈柩覆蓋菲律賓國旗，內地和本港網民同聲譴責，怒轟門多薩無資格蓋國旗，質疑門的家人是否當他是民族英雄。有網民指摘門多薩家人「火上加油」，亦有人無奈地說：「菲國真係無奇不有……」
京港網民狂轟
北京網民張保東說：「他憑甚麼蓋着國旗！這明顯代表了菲律賓政府的態度！一個國家的罪人、世界的罪人難道可以蓋着國旗入棺？！這難道不是有預謀的嗎？抑或挑釁中國？」
而在高登討論區，「彩虹．維尼」說：「殘殺遊客者就是國家英雄嗎？唉……菲律賓好似當門多薩係英雄咁，見到佢哋係當地影相笑，總統又笑，真係好唔開心！」「愛人與海」則稱：「又要蓋國旗，又要同香港人道歉，咩logic嚟？」
「神鵰俠爵士」也說：「睇新聞嗰時仲以為佢係民族英雄，又國旗又警隊制服，仲有啲獎狀。」「愛因煎蛋」表示：「好心佢屋企人就低調啲啦，殺咗人好馨香咩？」
「此用戶不存在」諷刺地說：「你又唔知人哋文化，可能係菲律賓為棺木蓋上菲律賓國旗係對死者的侮辱呢？」「勿通匪類」也稱：「連個總統都話自己憤怒時先會笑，呢個國家仲有乜嘢混帳風俗講唔通呢？」
網民齊聲譴責
pH1.0：屠殺香港人係國家英雄。
PZG：愈來愈荒謬了。
白豆：菲律賓仲要火上加油到幾時。
愛人與海：又要蓋國旗，又要同香港人道歉，咩logic。
神鵰俠爵士：以為佢係民族英雄，又國旗又警隊制服，仲有啲獎狀。
愛因煎蛋：好心佢屋企人就低調啲啦，殺咗人好馨香咩。
混合膠：殺人兇手竟然風光大葬。
肚餓咩!?：蓋上國旗？人民英雄？
資料來源：互聯網