田少尋日喺中國會門外現身，問到佢對呢宗慘劇嘅睇法時，田少話菲律賓信奉天主教，國民樂天開朗，而且對人熱情，似乎對當地印象良好，佢仲話，相信今次港人遇害慘劇只係單一事件。至於港府發出黑色旅遊警示，佢就話絕對同意，但估計唔會持續好耐。

講到遊山玩水風險高，田少都有啲感慨，認為好似治安更加惡劣嘅南非咁樣，連出街都有危險，呢類國家真係一生人去一次就算嘞。