城中有「港孩」之說，意思係新一代香港孩童嬌生慣養，香港青少年發展聯會轄下德育發展中心尋日推出一套切合現今青少年嘅德育培訓計劃，好多名人都捧場支持，如煲呔曾、教育局副局長陳維安、馬會主席陳祖澤，連「體操王子」變身商界巨子嘅「李寧」牌創辦人李寧都有出席。
青少年發展聯會主席陳振彬話，新一代青少年普遍缺乏紀律，無抗逆毅力，國民意識亦好模糊，甚至「企都企唔直」，希望嚴謹嘅培訓可以讓青少年體驗、反思及學習，佢仲話，今次菲律賓慘劇，正好畀青少年反思機會，令大家知道唔應該為個人利益不顧他人死活。李寧中港兩地走，但尋日都現身支持好友搞青訓，佢自己就係嚴格訓練嘅產品，梗係支持喇！
