翻開名人版、娛樂版，見盡富豪名人在高級食肆的飯局新聞，兩、三人的家常便飯，動輒幾萬元落樓，感覺極「豪」。白老闆也是一個躋身富豪社交圈子、識飲識食的名人，究竟在他眼中的「豪」，是不是等於「好」呢？
白富鴻說：「呢種場合偶一而為之啦，食飯使費大，好多時係支酒最貴。」他以「燕窩論」做比喻，告訴你食得豪不一定等於好。「內地人食得好豪，可以用燕窩擠滿成個飯碗，滿到插隻筷子入去都唔郁，但其實燕窩每日食一、兩匙就夠好，太多分量反而吸收唔晒。」
白老闆說，其實菁英會不少友好，都愛「捐窿捐罅」食好嘢：「未必一定係貴嘢，可以係灣仔某處其貌不揚的川菜店，或者九龍城街知巷聞嘅平民小食，有時，平嘢都幾好食㗎！」
