大輝形容有四千人左右嘅忠順里，鄰里關係非常之好，同經常大喊和諧口號嘅香港差天共地。為咗同忠順里嘅居民打成一片，大輝仲同佢哋一齊跳舞，大輝話班居民一邊跳舞、一邊唱山歌，氣氛不知幾好。由大輝嘅跳舞相所見，佢滿面笑容，雙手交叉疊喺胸前，跟住成班居民嘅動作扭腰，可能大輝太興奮之故，佢扭得頗為誇張，同班居民格格不入，場面非常搞笑。大輝年紀都唔細㗎啦，因住扭得勁得滯扭親呀！

講番個考察之旅，大輝話忠順里有唔少值得香港借鏡嘅地方，例如喺居民出入必經之路裝個顯示屏，將區內活動嘅資訊同所有人分享，又或者畀居民參與鋪地磚，增加歸屬感。唔知本身係沙田區區議員嘅大輝，喺區議會提出鋪地磚會唔會有人贊成呢？