三子女生死未卜

梁太與丈夫及三名分別二十一歲、十八歲及十四歲的子女，一行五人參加今次死亡旅行團，她透露槍手挾持旅遊巴後，命令所有人要分開坐，原先她與丈夫坐在最後排，但後來槍手將她調到前排。她嗚咽地憶述丈夫擔心她會率先受害，當槍手有所行動時，「我先生衝上前想阻止佢（槍手）殺人」，誰知卻成為槍下亡魂。

看到丈夫遇害，梁太坦言：「我好想攬住佢（丈夫）一齊死，但係如果我同我丈夫都死晒，三個小朋友唔知點算！」母愛驅使她忍住喪夫之痛，努力詐死：「一路有槍聲打到埋身邊，幾乎打正我，我以為會死……去到最後都仲有子彈掃埋我嗰排位，都唔知槍手死咗未……我一路忍住，如果我唔pretend（假扮）死咗，三個小朋友唔知會點……係臨尾有催淚彈真係忍唔到……」

梁太質問菲律賓及港府為何遲遲未有採取果斷行動：「點解成十幾人喺巴士度都無人救？係咪為咗錢？因為錢而犧牲咁多人嘅性命？我覺得好殘忍囉！」

此外，下午獲釋的十歲及四歲符姓兄妹Fu Chak Yin與Fu Chung Yin，以及十二歲汪姓男童Jason Wong均在慘劇中失去至親。其中與母親一同獲釋的符姓兄妹，他們的父親證實被殺，至於Jason更是雙親皆亡，同行的姨姨及胞姊則生死未卜。