正生書院去年因遷校問題備受社會關注，正生書院裏裏外外都被報道得一乾二淨，負面報道接踵而來，更招致廉政公署的調查，陳兆焯的首要工作，就是要向董事會解釋事件。「最直接的解決方法就係將我同林生（林希聖）炒咗，咁就一了百了，不過董事好明白事理，開會唔係要搵邊個負責任，而係一齊渡過呢個難關。」

廉署更曾到陳的家中搜證，碰巧陳不在家，其子來電平靜地問他何時回家，更「打住機」等父母回來。兒子輕鬆，陳兆焯卻百般滋味在心頭。「我同我太太講『對唔住』，我選擇咗我嘅工作，我嘅服務對象，但係太太只係揀咗我，佢同我講咗一句『唔緊要』，我太太無怨無悔，佢對我真係好好。」

學生獲佳績 付出也值得

「我同林生傾開都講到，如果我哋咩衰嘢都無做過就要坐監，咁就真係抵死，不過坐都最好係坐（監）喺隔籬，可以直接喺入面招生，呢個係我嘅終生事業，哈哈哈……」他慶幸在困難之中，正生書院的師生和家長都堅守在他的左右，他更一臉自豪地說：「上年係正生書院攞得最多獎嘅一年。」無論在攝影、運動及戲劇，學生都取得極佳成績，讓陳兆焯更肯定自己為「在生命上跌一跤」的學生付出是值得的。