時裝設計師始終是型格行先，攝影師要求Johanna豎起腿撐着長椅拍照，她即二話不說埋位交貨，還開心爽朗說：「咁先影得出我性格嘛！」當年把心一橫再闖英國，同樣決定得爽快，「嗰陣香港人崇洋，睇唔起本土設計，留喺香港好難發圍！」
今日有此成就，好彩在得到父母當年資助的第一桶金開店，「佢哋打咗二百萬畀我做本，我先至可以堅持落去！」 作為時裝設計師，Johanna深深體會到有實力冇本錢的痛苦，她慨嘆：「好多後生仔有天分，畢業後雄心壯志開舖，頭兩個月堅持自己諗法，但無人幫襯，第三個月要交租就唔知點算。」不過，就算難，也一定要堅持，Johanna反對抄襲，堅持原創，「如果抄襲，一定輸得好慘，而且，輸的唔止係金錢，而係你嘅個人風格，同埋前途！」