李雲迪話今次係第一次擔任選美評判，但係都唔擔心，因為自己每日都沉醉喺音樂美之中，所以對「美」都有番咁上下心得喎。佢話就好似音樂一樣，美係人體自然散發嘅氣質，而佢話因為自己最愛蕭邦嘅音樂，所以參賽者最好都係有浪漫個性、高貴舉止，咁樣佢先容易畀高分。參選佳麗應該都明㗎喇，不過氣質係唔可以好似整容咁一時間整出嚟嘅。

對於甘肅舟曲發生泥石流災難，李雲迪話一直有留意災情，希望循唔同渠道去幫忙，包括義務表演。