港府政治麻木兼不知不覺嘅做法引起民憤，本報尋日接獲讀者投訴指出，澳門政府尋日已經將官方網頁轉為黑白主調，又落實暫停公共娛樂活動嘅國策，連世界女排大獎都要讓路。對比之下，港府顯得好冷漠，港府一站通網站全日仍然跳躍住五顏六色嘅諮詢文件訊息，或者宣傳香港參與世博嘅資訊，有關全國哀悼日嘅訊息只出現喺頁面右側嘅新聞欄目，令人感受唔到對逾一千名死難同胞嘅哀悼之情。

就甘肅今次災難，港府建築物尋日都下咗半旗同停止尋晚嘅幻彩詠香江致哀，即係做咗基本指定動作，不過唔應該樣樣都要指定至識做嘅，好似網頁變為黑白主調，澳門特區政府嘅反應明顯快好多，同埋用過心思。