阿Paul尋日同佢「打令」白韻琹返故居同班老街坊敍舊，嘆謂自己雖已搬離蘇屋邨多年，但仍然懷念屋邨嘅空地，事關當年佢日日去空地踢波，連扭波都喺嗰度學喎！

阿Paul由當年嘅黃毛小子，搖身一變成為今日嘅立法會議員，唔少蘇屋邨老街坊都以佢為榮。好多人爭相同佢合照，又攞簽名，有個婆婆仲話，自己當年就係住喺阿Paul隔籬，睇住佢大添！

白姐姐都大爆阿Paul媽媽當年唔想阿Paul同人講自己住過蘇屋邨，驚被人睇唔起，但白姐姐就大讚蘇屋邨好住又涼爽，街坊鄰里應該自豪至係喎！