“自己嘅長處就係幫人”
平易近人的黃潤達，街坊都叫他阿達，站在群眾當中，永遠是最不起眼的一個，反而他展示大學時代的團體照片，當時染了一頭金髮，倒滲出一點熱血味道。
「由細到大，我都係配角，小學讀書時因為英文差，上堂唔敢坐最前，驚會被老師抽問問題，只可以坐最後。」到中學時，又因為成績不及其他同學，被高分一族排擠，阿達順理成章與一班被視為壞分子的同學「埋堆」。
以為前面是條絕路，豈料又給他找到出路。「班同學操行差係無人逼佢哋讀書，我見佢哋有條件成功，係咁鼓勵佢哋多啲聽書，勤力啲溫習，之後真係考出好成績。」正因為這次經歷，阿達找到自己定位，「我終於搵到自己嘅長處，就係幫人。」
重新定位後，阿達的命運也有了改變，先在校內獲老師安排擔任風紀，之後組織學生會，到大學讀副學士時更搞學運，「試過拉大隊同副校長講數，要佢將資源平均分配畀學士同埋副學士。」
“人生就好似一部電影”
○二年大學畢業後，阿達繼續發揮助人的特長，加入街工做梁耀忠的議員助理，為弱勢社群發聲，例如為新來港人士及低下階層爭取上公屋，短短兩年為百多戶中轉屋居民申請到公屋，又每月發動一次公屋居民上街遊行要求減租，每周三次居民大會。街工看中他肯幫人之餘，動員能力又強，○四年建議他參選區議員，阿達二話不說參選，終以高票當選，較兩名對手多近一倍選票。
○八年圖再下一城，夥拍梁耀忠參選立法會，但最終阿達還是陪跑的配角，只有梁耀忠當選，但阿達並無失望，「選嗰陣都無諗過會贏，人生就好似一部電影，有人係主角，有人係導演，我嘅角色就比較模糊，只係配角。」競選失敗，阿達安分守己做區議員。不過梁耀忠遲早退休，到時阿達會否由配角變成主角？他深思了一會，很認真地說：「我無梁耀忠咁叻，但當個黨無人接班時，我會義不容辭企出嚟。」
黃潤達profile
年齡：30歲
學歷：理工大學社工學士
現職：葵青區區議員，註冊社工，街坊工友服務處社區事務主任