本文重點
【本報訊】雖然請辭八達通行政總裁已獲批，但陳碧鏵可按合約留任多半年，昨日陳如常上班，但她在八達通公司已無實質工作，留下來的唯一任務只是協助調查出售客戶個人資料圖利一事，故可繼續支取高薪至明年二月離任。臨危受命由港鐵「空降」八達通任暫委行政總裁的鄧智輝昨即到職，並全盤接手八達通的行政及管理工作。
而八達通正透過獵頭公司，尋找合適的行政總裁人選接替陳碧鏵。而其他善後工作，包括修訂「日日賞計劃」申請表格，料新表格於十月推出。
至於八達通董事會決定捐出因○六年至今「賣料」所得的四千四百萬元予公益金，公益金榮譽副會長陳祖澤表示，將好好利用八達通的捐款。
捐錢扣稅攞盡着數
網民/聽眾 言 論
ECECECEC 死都唔畀番錢我哋，佢計條數就精呀，用佢公司名義捐公益金，可以扣稅七百幾萬，最後都係想從中攞錢。
迫爆神 每人退20蚊唔得嘅咩
中出紅門 唔係諗住捐咗啲錢就算？你自己公司再捐多4,400萬出嚟我就接受你哋嘅歉意。
turboman2 強烈要求全部董事辭職負責!!!!!!!
toto12345 咁都仲要畀佢（陳碧鏵）
多6個月人工，隨時仲有一大筆花紅。
Zidane=5 得一個（陳碧鏵）辭職，祭咗旗就算呀。
江先生 好似掉垃圾都要罰一千五百蚊，市面幾大改變？依家（八達通）好似偷咗嘢，畀番出嚟就算，應該罰佢捐夠八千萬。
資料來源：綜合電台節目及網上討論區