忙碌對Tony來說，不是甚麼新鮮事，不忙反而會讓他渾身不自在！「每日最多瞓五、六個鐘，我都唔覺攰，秘方就係不停同自己講我唔攰！」咁都得？「梗係得啦，加上我係潮州人，有好捱得嘅血統。哈哈！」

問他有冇嗜好或者娛樂？他竟說：「冇！打高爾夫球唔啱，唱歌又唔識，最多約幾個知己『兄弟』，搵個舒服地方傾偈，有時仲傾到凌晨三、四點。」那名車呢？Tony雙眼即發光，「車，係呀！我鍾意呀！我曾經擁有四架車，一架係日本車，一架瑞典車，兩架德國車，我依家最享受就係開車飛馳，好free嘅感覺，可以話係娛樂，甚至減壓同休息。」車是男人的至愛，這個潮州男人又怎會例外！