胡曉明話佢哋喺李樂詩嘅耳濡目染下，開始關注全球暖化問題，十幾位成員舊年年底膽粗粗去挑戰極地，由香港飛抵阿根廷再搭三日船去南極，大家都暈船浪暈到天昏地暗，但一抵達南極見到當時嘅景色，令佢哋大開眼界，同時亦親眼目睹千年積雪，並非一件好事，事關新雪覆蓋唔到千年雪，正正代表地球暖化得好緊要！所以佢哋最後決定將此行影落嚟嘅過萬張靚相編輯成書，並將賣書收益捐晒畀「極地博物館基金」。

佢係前全國政協委員胡法光兒子，當年佢讀完大學後奉父命返港接手家族生意，後來先再補讀番MBA碩士學位。本來佢想修讀埋博士學位，但由於專資會會務繁重，令佢冇時間讀書，惟有寄望二○一二年卸任後，再一圓呢個夢想。