回流長者淪二等公民

十多名長者在社協代表陪同下，手持「回流長者淪為二等公民」的標語，昨到立法會申訴部申訴。其中一名向議員作出申訴的紀太指，丈夫因工作需要返回內地，不料無辜被僱主拖累而在內地入獄一年，以致他未能符合申領生果金的離港限制而被拒申請。

紀太直言，「為咗救佢連間屋都賣埋，花光八十多萬元積蓄，唔好話一千蚊，嗰時一百蚊對我哋都好重要」。

因「租唔起」香港的單位，紀太指夫婦倆只好租住深圳的單位，為符合居港期限，去年三月起「周圍搵朋友借宿」，到今年三月才獲批生果金，但之後仍需「數住日子返嚟住夠九十日」，免得又失去資格。她批評，「政府畀生果金係想老人家開心啫，你理得人哋住邊度，畀得一千數目唔係多，做咩要限住晒啫」。

社協社區幹事吳衞東直斥，政府在長者申領生果金前及獲批後均設離港限制，「話敬老只係得把口講」，亦是歧視回流長者令他們變成二等公民。他指，社協現正約見勞工及福利局局長張建宗表達意見，並尋求適合個案就問題提司法覆核。