頭箍小姐帶定闊邊帽

好似金刀梁老婆同「頭箍小姐」財經事務及庫務局常任秘書長區璟智都帶定闊邊帽，頭箍小姐話佢呢排皮膚敏感，塊面唔用得護膚品，連防曬都搽唔到，所以闊邊帽好幫到手。

教育局局長孫明揚太太鍾小芬就戴咗副「明星黑超」擋太陽，戴上去遮咗大半塊面，實唔怕曬出雀斑啦；一身粉紅花裙嘅全國政協委員「小吉」方黃吉雯就攞住大會派嘅紫荊扇密密撥散熱；立法會議員霍震霆則攞住大會送嘅遮，出太陽同落雨都冇有怕。