醫管局主席胡定旭啱啱做埋香港總商會主席，公職多籮籮嘅佢，理應忙到飛起至係o架，但日前我哋就喺馬場撞到佢自備私伙望遠鏡，抽空為愛駒打氣。唔好睇小佢手上呢副小小嘅望遠鏡呀，事關一啲都唔簡單，要成萬銀o架！
肥胡副望遠鏡出自德國品牌蔡司（Zeiss），呢個牌子係過百年老牌，除咗生產望遠鏡，佢哋製造嘅相機鏡頭更加係享譽全球。
肥胡大讚呢個品牌出嘅望遠鏡乜尺碼都有，梗有一款啱手形，而佢就特別鍾情佢手上呢副，貪佢重量大小啱啱好，唔算太重。佢仲自爆呢副望遠鏡已經買咗好多年，用嚟睇愛駒晨操一流，又話用佢見證過唔少愛駒贏頭馬添！
