燊哥話，自己好幸運有機會喺過去幾十年參與香港嘅建設過程，佢身為企業家，認為必須關心社會，同時履行社會責任，因為呢啲對佢嚟講都係快樂嘅泉源。佢仲提到，自己一直心繫教育事業，因為「財富聚散無常，惟學問終生受用」，所以一直致力培育人才，回應社會需要。燊哥又提到呢次嘉許係莫大嘅鼓舞，佢對香港未來充滿信心，會繼續同廣大市民喺愛國基礎上繼續同心協力，一齊建設繁榮進步、和諧穩定嘅社會。

除燊哥自己外，四太梁安琪對於老公獲頒大紫荊勳章都覺得好開心，佢話燊哥咁多年嚟都積極行善，可以話係受之無愧。四太仲話，一定會同老公開慶祝派對，到時仲會送「肉嘴」同熊抱做禮物添。