波波仲教大家揀大學嘅貼士添！佢話讀大學唔一定要揀大規模嘅名校，要睇仔女本身想點規劃自己嘅前程，如果一早已經諗住讀完大學要繼續升學嘅話，讀規模較細嘅大學反而比較有幫助。點解？佢話要讀碩士甚至博士課程，除咗自己成績要好，另外教授嘅推薦信一樣咁重要。

讀暑期課程認識文化

規模細啲嘅大學，教授可以有多啲時間同學生傾偈，討論論文觀點，變相令教授可以對學生有深入認識，第日寫嘅推薦信內容都會豐富好多！

不過，佢認為最重要都係仔女到底適唔適合嗰間學校，所以佢覺得如果大家財力負擔得到，可以學吓佢咁，暑假送仔女去外國大學讀幾星期嘅暑期課程，畀佢哋有機會真正認識大學文化，搵到一個合適嘅環境，讀書自然事半功倍喇。